د پاکستان حکومت د اکتوبر پر درېيمه په هغه هېواد کې مېشت ټولو اسناد نه لرونکو بهرنیانو، چې لوی اکثریت یې افغانان دي، ته امر وکړ چې د میاشتې تر پای پورې دې په خپله خوښه ووځي، که نه تر هغې وروسته به قانون پلي کوونکي ادارې بې اسناده بهرنیان په زوره باسي او جايدادونه او کاروبارونه به يې ضبطوي.
د دې اوونۍ "د مشال تر رڼا لاندې" کې د پاکستان مسلم ليګ (نواز) رهبر نواز شريف هېواد ته د ستنېدو تر شا لاملونه بحث شوي دي.
د خیبر پښتونخوا د کرنې ادارې د باجوړ، مومندو، خیبر او تورغر ضلعو په هغو مرکزونو کې د کروندګرو روزنه پیل شوې چې د امریکا او ملګرو ملتونو په مالي لګښت جوړ شوي دي. تفصیل په دې رپورټ کې.
په داسې حال کې چې د پاکستان پارلېمان په ايين کې د ۲۵م بدلون په منظورولو سره پخوانۍ قبایلي سیمې د خیبر پښتونخوا برخه ګرځولي او هلته یې د هېواد اساسي قانون غځولی دی، په شمالي وزیرستان کې د اتمانزيو جرګې د قبايلي دود له مخې پر ځينو کسانو جرمانې لګولي او د ځينو د کورونو ړنګولو پرېکړه یې کړې ده.
ثنا الله بلوڅ وویل چې مذهبي سختدریځي یوازې د خلکو ژوند ته نه بلکې په مجموعي توګه د هر ډول پرمختګ مخې ته خنډ دروي او ګواښي یې. د پاکستانیو حکومتي او امنیتي چارواکو دا تور رد کړی چې ګواکې دولت یا ریاست د سختدریځۍ په خپرولو کې لاس لري.
د اکتوبر میاشت په نړۍ کې د ښځو د سینې سرطان په اړه د پوهاوي خپرولو ته ځانګړې کېږي. په پاکستان کې هم ډاکتران په دې میاشت کې د پوهاوي غونډې کوي. د پېښور د رحمان میډیکل انسټیټیوټ له ارقامو سره سم، په پاکستان کې هر کال ۱۰۰،۰۰۰ ښځې د سینې سرطان ښکار کېږي.
پاکستان به خپله لومړۍ لوبه د اکتوبر پر شپږمه له نېدرلېنډ سره کوي او افغانستان به د اکتوبر پر اوومه د خپلې لومړۍ لوبې لپاره د بنګله دېش په وړاندې میدان ته وځي.
د خیبر پښتونخوا د ملاکنډ د بټخېلې د ظفر پارک کوڅې د نجونو سرکاري ښوونځي زده کوونکو مظاهره کړې ده او له حکومته یې غوښتي چې یا دې ورته د خپل سکول پخوانۍ وداني ورکړي او یا دې ورته نوې وداني جوړه کړي. د سېپټېمبر ۲۷مې په مظاهره کې شاوخوا ۸۰۰ نجونو برخه واخیسته. په دې اړه تفصیل په رپورټ کې.
دا په داسې حال کې ده چې مسلم لیګ (ن) ویلي دي چې شریف په اکتوبر کې پاکستان ته ستنېږي. د سیاسي چارو شنونکې افراسیاب خټک د سېپتېمبر پر ۲۷مه مشال راډیو ته وویل چې نواز شریف د پنجاب د کاروباري طبقې او صنعت کارانو منل شوی مشر دی او له جنرالانو څخه یې هم ۹۵ فیصده پنجابیان دي.
د خیبر پښتونخوا کاروباریان د پاکستان له حکومته غوښتنه کوي چې له افغانستان سره ټرانزیټ ته دې کتنه وکړي ځکه چې د دوی په وینا دا مهال د افغان ټرانزیټ تجارت په نامه هغه توکي افغانستان ته صادرېږي چې هلته یې ضرورت نشته. دوی وايي، دا توکي بیرته پاکستان ته اړول کېږي. دا په دا
دارو خان اڅکزي د سېپټېمبر پر ۱۳مه مشال راډیو ته وویل، دواړه هېوادونه د یو بل لپاره د تجارت تر ټولو ښه بازارونه دي خو حکومتونه یې دې خبرې ته په سنجیدګۍ پام نه کوي. خان جان الکوزی وايي، د پولې تر تړل کېدو مخکې به هره ورځ پر تورخم له ۵۰۰ څخه تر ۶۰۰ پورې مال وړونکو ګاډو تګ راتګ کاوه.
د سېپټېمبر پر شپږمه په چترال کې پر امنیتي پوستو د تحریک طالبان پاکستان (ټي ټي پي) تر برید وروسته د سیمې اوسېدونکي د امنیت په اړه اندېښنې لري.
نور وښیئ
هېڅ میډیايي سرچینه اوس نشته
