دخيبر پښتونخوا ټيكسټ بك بورډ چئير مين ډاكټر فضل رحيم مروت وايې چې له بده مرغه د ملک په تعلیمي نصاب كې د يو ډاكټر او انجنیېر د جوړولو لپاره هڅې شوې دی خو د يو ښه انسان جوړلو لپاره هلې ځلې هومره نه دي .
دی وايي چې د پښتونخوا په نوې نصاب كې به د پښتنو تاريخ سره سره د هغوی مشران او اتلان به هم شاملېږي.دده په خبره چې په نصاب کې به اوس ماشومانو ته د خوشحال خان خټک بابا، رحمان بابا ،احمدشاه بابا ، عبدلصمدخان اڅکزی، حاجي صاحب ترنګزی ،کاکا صنوبر حسین مهمند،خان ،عبدالقیوم خان،مولانا مفتي محمود،عبدالرب نشتر،قلندرمهمند او داسې نورو د ژوند او مبارزې په اړه مالومات ورکول کېږي.
پښتو لیکنه مو تر یو دودلیک لاندې راوستې چې په کابل ،کوټه او پېښور کې په یو لیکډول لیکنې وشې.
په پښتونخوا کې اوس کال هیندارې(کېلېنډر) هم پښتو چاپېږي،چې پکې د باچاخان،عبدالصمدخان اڅکزي ،احمدشاه بابا او داسې نورو اتلانو تصویرونه پکې دي .
له دې علاوه د پښتونخوا حکومت په نقشه کې ،ددې خاورې قدرتي وسایل ښودل شوي چې په سوات کې کوم قدرتي وسایل پیدا کېږي،بجلۍ چېري جوړېږي،ګېس ،تیل ،سنګې مرمر او نور وسایل په کومو سیمو کې موندل کېږي.
د ماشومانو په نصابي کتابونو د شاپاڼه کې د پښتنو د مشهوره سیمو یا ځایونو لکه د خیبر باب ،خیبر دره،بالاحصار کلا،دسوات منظرې د محبت خان جومات ،خوشحال بابا او د رحمان بابا تصویرونه پرې لګول شوي دي.
