په امريکا کي د پاکستان سفير حسېن حقاني له خپلې څوکۍ استعفا ورکړې ده. نوموړي دا اعلان د ټولنيزې وېب پاڼي ټويټر له لاري پرون ماښام وکړ او زياته يې کړه چي خپله استعفا يې د پاکستان وزيراعظم يوسف رضا ګيلاني ته وړاندي کړې ده. په دې اړه د پاکستاني وزیراعظم یوه ویاند ويلي چې له هغه څخه استعفا غوښتل شوې وه.
نوموړي دا استعفا د هغه لانجمن لیک وروسته ورکړې چې د اکتوبر پر لسمه نيټه د برتانيیا په یوه مشهوره ورځپاڼه کې د پاکستاني نژاده امريکايي لیکوال منصور اعجاز یوه لیکنه خپره شوه.
په خپله دې لیکنه کې منصور اعجاز ادعا کړې چې په واشنګټن کې د پاکستان سفير حسین حقاني د امريکا د ګډو ځواکونو د هغه وخت د عمومي مشر امير البحر مایک مولن په نوم د پاکستان د ولسمشر آصف علي زرداري یولیک ورته سپارلی،چې پکې له نوموړي څخه د پوځ له لوري د اصف علي زرداري په ممکنه توګه له خپلې څوکۍ څخه د ليري کولو د مخي نيولو غوښتنه شوې وه.
خو په امريکا کې د پاکستان سفير حسین حقاني،پخپله زرداي،صدراعظم او نورو لوړپوړو سرکاري ( دولتي) چارواکو ددغسې یوه لیک لیږل په کلکه رد کړې. خو اوس چې حسین حقاني استعفی ورکړې او پر ځاي يې هم د پيپلز ګوند يوه بله مشره او د پاکستان د اطلاتو پخوانۍ وزيره شیرين رحمان په امريکا کې نوې سفيره ټاکل شوې نو آيا دا خبره پردې ځای ختمه شوه او که نه. آيا د حسين حقاني له تلو سره د پاکستان او امريکا اړيکي کومه بڼه اخستۍ شي او که نه هم دغسي عادي به وي لکه چې دي.
دا او ورته نوري پوښتني د مشال تر رڼا لاندي بحث کې څيړو . په پيښور کې د سياسي چارو کارپوه خادم حسين او هم په پيښور کې د دفاعي چارو کارپوه بريګيډيئر ريټائرډ سعد محمد خان مو ميلمانه دي.
ددې بحث کوربه عبدالحی کاکړ دی.
نوموړي دا استعفا د هغه لانجمن لیک وروسته ورکړې چې د اکتوبر پر لسمه نيټه د برتانيیا په یوه مشهوره ورځپاڼه کې د پاکستاني نژاده امريکايي لیکوال منصور اعجاز یوه لیکنه خپره شوه.
په خپله دې لیکنه کې منصور اعجاز ادعا کړې چې په واشنګټن کې د پاکستان سفير حسین حقاني د امريکا د ګډو ځواکونو د هغه وخت د عمومي مشر امير البحر مایک مولن په نوم د پاکستان د ولسمشر آصف علي زرداري یولیک ورته سپارلی،چې پکې له نوموړي څخه د پوځ له لوري د اصف علي زرداري په ممکنه توګه له خپلې څوکۍ څخه د ليري کولو د مخي نيولو غوښتنه شوې وه.
خو په امريکا کې د پاکستان سفير حسین حقاني،پخپله زرداي،صدراعظم او نورو لوړپوړو سرکاري ( دولتي) چارواکو ددغسې یوه لیک لیږل په کلکه رد کړې. خو اوس چې حسین حقاني استعفی ورکړې او پر ځاي يې هم د پيپلز ګوند يوه بله مشره او د پاکستان د اطلاتو پخوانۍ وزيره شیرين رحمان په امريکا کې نوې سفيره ټاکل شوې نو آيا دا خبره پردې ځای ختمه شوه او که نه. آيا د حسين حقاني له تلو سره د پاکستان او امريکا اړيکي کومه بڼه اخستۍ شي او که نه هم دغسي عادي به وي لکه چې دي.
دا او ورته نوري پوښتني د مشال تر رڼا لاندي بحث کې څيړو . په پيښور کې د سياسي چارو کارپوه خادم حسين او هم په پيښور کې د دفاعي چارو کارپوه بريګيډيئر ريټائرډ سعد محمد خان مو ميلمانه دي.
ددې بحث کوربه عبدالحی کاکړ دی.
