د مشال تر رڼا لاندې

د اتوار په ورځ د پاکستان له سر ښار اسلام آباد څخه د تیشتول شوي خبریال سلیم شهزاد مړی د ګل ورځ د پنجاب صوبې د منډي بهاولدین په یوه ناوه کې موندل شوی چې ورباندې سخت تشد د شوی.

د مشال تر رڼا لاندې بحث د خبریال سلیم شهزاد وژنې ته ځانګړی شوی دی چې د هغه د وژلو لاملونه څه دي،په پاکستان کې د وینا او لیک آزادي وروړاندې ګواښونه څه دي.

پر همدې موضوع د نن بحث کې قانون پوه بیرسټر باچا،د قبایلي سیمو د امنیت پخوانی مسول،بریګېډییر محمودشاه،د پېښور پریس کلب مشر شمیم شاید او د بي بي سي مشر خبریال هارون رشید برخه لري چې کوربه یې عبدالحی کاکړ دی.

د پاکستان وزیراعظم یوسف رضا ګیلاني په داسې مهال کې د چین په سفر دی چې د اسامه بن لادن د وژل کیدو وروسته د امریکا او پاکستان اړیکي تر بل وخت زیات ترینګلي دي.

ځیني کارپوهان داسې فکر کوي چې له امریکا سره ترینګلو اړیکو ته په کتو سره پاکستان هڅه کوي چې له چین ته ځان نور نژدي کړي.

آیا په بحراني حالاتو کې چین په رښتیا هم د پاکستان عملي مرسته کولای شي.
آیا چین په تېر کې له پاکستاني په کړکیچنو حالاتو کې دریدلی دی که څنګه.
آیا د چین او پاکستان اړیکي سیاسي ارزښت زیات لري که اقتصادي.

دا او له دې سره تړلې نورې پوښتنې د مشال تر رڼا لاندې بحث کې اورېدلی شي چې میلمانه یې د پاکستان د بهرنو چارو پخوانی وزیر سرتاج عزیز،د پېښور پوهنتون د نړیوالو اړيکو د څانګې مشر ډاکټر اعجاز خان د پاکستان پخوانی ډپلوماټ همایون خان،د اقتصادي چارو خبریال اکرام هوتي دي.او کوربه یې عبدالحی کاکړ دی.