د مشال تر رڼا لاندې

د امريکا له لوري د پاکستان د پوځی مرستو د ځنډولو وروسته د دواړو هيوادونو تر مينځ اړيکي يو ځل بيا خرابي شوی دي.

د امريکا ددې ګام وروسته د پاکستان د دفاع وزير احمد مختار او د پوځ د مشر جنرل اشفاق پرويز کیاني له خوا داسی بيانونو مخي ته راغلي چې کارپوهان ورته د تضاد په سترګه ګوري.

د دفاع وزير وويل که چرته امريکا ورته پوځي مرستي ور نکړي نو پاکستان به له مغربي سرحدونو څخه پوځ بيرته راوغواړي، خو بل خوا د پوځ مشر جنرل اشفاق پرويز کياني د کور کمانډرانو غونډې ته وويل چې دوی به د ترهګری پر ضد جګړه په خپلو وسائلو جاري وساتي.

د مشال تر رڼا لاندي بحث ، کوربه عبدالحی کاکړ هم دا پوښتنی را پورته کړي، چې د پوځ او د ټاکل شوي حکومت د دفاع د وزير په دريځ کې تضاد ولي دې.ايا پاکستان دومري وساېل لري چې ورباندي دا جګړه وکړای شي.


د پاکستان پخوانۍ ډپلوماټ آياز وزير، د اقتصادي چارو خبريال اکرام هوتي، د خیبر پښتونخوا د پوليسو پخوانی مشر ملک نويد او د سیاسي چارو کارپوه خادم حسين او خبریال اقبال خټک د بحث میلمانه دي.

په پاکستان کې د ښځو د حقونو لپاره مبارزه کونکې يوه غير دولتي اداره عورت فاونډيشن وايې، په هيواد کې په کال دوه زره لس کې پر ښځو د تشدد اته زره پيښی رامينځ ته شوي دي.

رپورټ وايې زياتره پيښی په پنجاب صوبه کې شوي دي. د ادارې په وينا په خيبر پښتونخوا کې د ښځو پر ضد زور زياتي شپږ نيم سوه او په بلوچستان کې نهه اويا پيښی رامينځ ته شوی دي.

د عورت فاونډيشن رپورټ ته په پام سره مشال ريډيو په قبائلي سيمو کې د ترهګری پر ضد تر جګړي مخکې اووروسته د ښځو حالت د بحث موضوع ګرځولی دی.

په مومند ایجنسي کې د نجونو ديوه شخصي سکول مشره شيرين ګله، په پیښور کې د قباېلي سيمو د ښځو د خير ښېګړي د یوې غير دولتي اداري ټرائبل وومن ويلفيئر ايسوسي ايشن مشره بيګم جانه او د قبائلي سيمو د چارو کارپوه فرحت تاج، چې په دي وروستيو کې یي د ځينو قبائلي سيمو سفر ترسره کړی وو او د هغه ځای د ښځو له ستونزو يې ځان خبر کړی وو، د دې بحث میلمنې دي.
عبدالحی کاکړ د بحث کوربه دی.