د مشال تر رڼا لاندې

د پښتنو یو ملت پاله ګوند عوامي نیشنل پارټې غوښتنه کړې چې د بلوچستان د پښتنو لپاره دې د جنوبي پښتونخوا په نوم یوه نوې صوبه جوړه کړل شي.

دا مهال په پاکستان کې د نوو صوبو د جوړیدو بحثونه تاوده شوي ديٍ او په دې لړ کې داسې غوښتی هم شته چی د پاکستان لویه صوبه پنجاب دې هم په دوو برخو وویشل شي .

د مشال تر رڼا لاندې بحث هم خو په دې هیواد کې د جنوبي پښتونخوا په ګډون د نویو صوبو جوړولو ته ځانګړی شوی دی چې له کوټې څخه پکې د پښتونخوا ملي عوامي پارټۍ یو مرکزي مشر او پخوانی سېنېټر رضا محمد رضا ،له اسلام آباده د عوامي نېشنل پارټۍ مرکزي مرستال سرکریټري هاشم بابر او له کوټې د بلوچستان نیشنل پارټۍ د اطلاعاتو سکریټري آغا حسن بلوچ برخه لري.

کوربه یې عبدالحی کاکړ دی.

د پاکستان او افغانستان لپاره د امریکا ځانګړي استازي مارک ګروسمین په پاکستان غږ ګړې چې په ګاونډي هیواد افغانستان کې دې د حکومت او طالبانو تر مینځ د سولې او پخلاینې د هڅو ملاتړ وکړي.

نوموړي دا خبرې تېره ورځ د پاکستان په سر ښار اسلام آباد کې کړي چیرته چې یی د افغانستان د بهرنیو چارو مرستیال وزیر جاوید لودین او د پاکستان د بهرنیو چارو مرستیال سیکرېتري سلمان بشیر سره درې اړخيزه خبرې اترې سره کړې.

ګروسمین ويلي په افغانستان کې د پخلاينې په بهیر کې پاکستان یو خاص او مهم رول لري.

د مشال تر رڼا لاندې اونیز بحث همدې موضوع ته ځانګړی شوی دی چې پاکستان د سیمې په امنیت کې څه رول ترسره کولای شي،چې میلمانه یې

په کابل کې د حقوقي او سیاسي چارو خبریال نصرالله ستانکزی،په کابل کې د نړیوالو چارو اسدالله ولولوجي او په اسلام آباد کې خبریال خبریال شایق حسین دي.
کوربه یې مجید بابر دی