پاکستان

پاکستاني چارواکي وايي يونان ته د انساني قاچاق مرکزي ملزم یې نیولی دی

فنکاران د دوی لپاره د "صحت بيمې" پر حکومتي اعلان څه وايي؟

اداکار خالد خټک، چې دی (دي ايکټرز کلېکټېف ټرسټ پاکستان) په نوم د ټول هېواد په کچ د ډرامو او فلمونو د اداکارانو د ټولنې يو فعاله غړی دی، د جون پر ۲۰مه يې مشال راډيو ته وويل چې حکومت د دوی د صحت مسلو د حل لپاره د ډېرو لږو روپيو اعلان کړی دی او دا چې دا پروګرام به هېڅ ګټه و نه کړي.

د کډوالو نړیواله ورځ: پاکستان کې مېشت افغان کډوال له ستونزو سر ټکوي‌

ملګري ملتونه له ۲۰۰۰ز کال راهیسې د کډوالو نړیواله ورځ د دې لپاره لمانځي چې کوربه هیوادونو ته سپارښتنه وکړي چې له کډوالو سره دې له تعصب، تاوتریخوالي، مذهبي عقایدو او سیاسي اختلافاتو پرته انساني سلوک وشي.

د پاکستان حکومت په یونان کې د کښتۍ تر ډوبېدو وروسته، د انساني قاچاق ضد قوانين سختوي

د بهرنيو چارو وزير بلاول بوټو زرداري د جون پر ۱۹مه، په کراچۍ کې خبريالانو ته وويل چې په يونان کې په ډوبه شوې کښتۍ کې د مړو شويو پاکستاني وګړيو تر پېژندګلوۍ وروسته به د هغوی جسدونه پاکستان ته وړل کېږي.

شهباز شریف د یونان کښتۍ پېښې په اړه د پلټنو امر کړی دی

د پاکستان حکومت تر اوسه په پېښه کې د پاکستانیانو د مرګژوبلې کره شمېر نه دی ورکړی خو د برتانیې ګارډیین ورځپاڼې ویلي دي چې په کښتۍ کې ښايي ۴۰۰ پاکستانیان سپاره ول.

د پنجاب له کلرکهار سره نېږدې په ټرافیکي پېښه کې ۱۲ تنه وژل شوي دي

په کلرکهار کې تر دې مخکې هم خونړۍ ټرافیکي پېښې شوې دي. د روان کال د فبرورۍ پر ۱۹مه، د پنجاب په کلرکهار کې د جنج یو بس له دوو ګاډو سره تر ټکر وروسته کندې ته پرېوت چې پکې لږترلږه ۱۴ کسان ووژل شول او ۶۴ ژوبل شول.

شېري رحمان: د سیند زیاتره برخې له سمندري طوفانه بچ پاتې شوې دي

شېري رحمان ویلي دي چې طوفان له کبله په سمندر کې د اوبو سطح لوړه شوې او د سیند د سجاول ساحلي برخې تر اوبو لاندې شوې دي خو حکومت ورڅخه اوسېدونکي وار له مخه خوندي ځایونو ته انتقال کړي ول، نو بیپرجوای ځکه د تاوان سبب نه شو. 

چارواکي: د سمندري طوفان رفتار ورو شوی دی

د طبیعي ناورینونو پر وړاندې د مبارزې ملي ادارې (اېن ډي اېم اې) د جون پر ۱۵مه پر ټوېټر په بیان کې ویلي دي چې طوفان "په شدت پرمختګ" کوي او کب نیوونکي، کښتۍ چلوونکي او نور خلک دې له ساحله لیرې اوسي.

چارواکي: سمندري طوفان د کراچۍ ساحل ته نېږدې شوی دی

د پاکستان د هوا پېژندنې ادارې د سيند صوبې مشر سردار سرفراز ويلي چې د جون له ۱۳مې راهيسې په کراچۍ او ځينو نورو سيمو کې له تېز باد سره په شېبو شېبو باران پيل شوی چې د جون تر ۱۷مې يا ۱۸مې پورې به روان وي.

د سيند چارواکي وايي د سمندري طوفان د خطر له امله به د اغېزمنو سيمو خلک په زوره باسي

مراد علي شاه زياته کړه، "له سجاول څخه د شاوخوا ۵۳،۵۲۲ کسانو د ايستلو منصوبه ده. د بدين له درو تحصيلونو نېږدې ۲۱،۰۰۰ کسان  ۲۱زره کسان خوندي ځايونو ته ايستل کېږي. په کراچۍ کې به له ۷۰ خطرناکو ودانيو څخه خلک ايستل کېږي. دا ډول به د ټټه له ساحلي سيمو هم  خلک باسو."

د افغانستان بشري حقونو کمېشن: له پاکستانه د افغانانو ایستل د هغوی ژوند ته خطر پېښوي

د بشري حقونو خپلواک کمېشن دا یو "دردوونکی عمل" بللی دی او ویلي یې دي چې د پاکستان له دې اقدام سره د "یوشمېر افغانانو ژوند له جدي ګواښ سره مخامخېدای" شي.