پاکستان

چارواکي: سمندري طوفان د کراچۍ ساحل ته نېږدې شوی دی

د پاکستان د هوا پېژندنې ادارې د سيند صوبې مشر سردار سرفراز ويلي چې د جون له ۱۳مې راهيسې په کراچۍ او ځينو نورو سيمو کې له تېز باد سره په شېبو شېبو باران پيل شوی چې د جون تر ۱۷مې يا ۱۸مې پورې به روان وي.

د سيند چارواکي وايي د سمندري طوفان د خطر له امله به د اغېزمنو سيمو خلک په زوره باسي

مراد علي شاه زياته کړه، "له سجاول څخه د شاوخوا ۵۳،۵۲۲ کسانو د ايستلو منصوبه ده. د بدين له درو تحصيلونو نېږدې ۲۱،۰۰۰ کسان  ۲۱زره کسان خوندي ځايونو ته ايستل کېږي. په کراچۍ کې به له ۷۰ خطرناکو ودانيو څخه خلک ايستل کېږي. دا ډول به د ټټه له ساحلي سيمو هم  خلک باسو."

د افغانستان بشري حقونو کمېشن: له پاکستانه د افغانانو ایستل د هغوی ژوند ته خطر پېښوي

د بشري حقونو خپلواک کمېشن دا یو "دردوونکی عمل" بللی دی او ویلي یې دي چې د پاکستان له دې اقدام سره د "یوشمېر افغانانو ژوند له جدي ګواښ سره مخامخېدای" شي.

پاکستان ته د روسیې خام تېل ورسېدل

په سیند کې د سمندري طوفان له وېرې ۹۰۰۰ کورنۍ خوندي سیمو ته لېږدول کېږي

محکمه وایي د جون ۱۴يا ۱۵ مه پورې د هغه طوفان ساحلونو ته د رسېدو امکان دی چې له کبله يې دسيند په کراچۍ، بدين، سجاول، ټهټه او بلوچستان په مکران ساحلي سيمو کې طوفان د تېزې سيلۍ او باران شکل غوره کړي

د پاکستان حکومت د نوي مالي کال بجټ وړاندې کړ

د سپیکر راجا پرویز اشرف په مشرۍ د جون پر ۹ مه د قامي اسمبلۍ غونډې ته په وینا کې اسحاق ډار وویل چې په بجټ کې یې کوم نوې ټیکس نه دی لګولې او د پرمختیايي پروژو لپاره یې ۱۱۵۰ اربه روپۍ ځانګړی کړي دي

پر عمران خان نيوکې کېږي خو "واک ته پر رسوونکو" يې ولې نه کېږي؟

عمران خان په ۱۹۹۶ز کال کې تحریک انصاف جوړ کړ خو تر ۲۰۱۱ز کال وروسته هغې پارټۍ ته له بېلا بېلو ګوندونو ګڼ مشران ورغلل او د ۲۰۱۳ز کال په انتخاباتو کې تحریک انصاف په لومړي ځل د قامي اسمبلۍ ۳۵ څوکۍ وګټلې. دا راز هغه ګوند په خیبر پښتونخوا کې حکومت هم جوړ کړ.

د پاکستان حکومت نن د راتلونکي مالي کال بوديجه وړاندې کوي

د پاکستان دولتي راډیو وايي چې د هغه هېواد اقتصاد په ۲۰۲۲-۲۳ز مالي کال کې یوازې صفر اعشاريه ۲۹ فیصده وده کړې او په دې توګه حکومت د پینځه فیصده ټاکلي هدف په ترلاسه کولو کې پاتې راغلی. د اقتصادي ودې د کمېدو یو لوی لامل د صنعتي څانګې کمزوري کېدل دي.

د کراچۍ ښاروالۍ شورا ته په لومړي ځل ۲ نرښځیان منتخب شوي دي

شهزادي رای وویل چې پخوا له نرښځیو سره خورا زیات توپیر پالل کېده او چا به ورسره ناسته پاسته نه کوله خو اوس له وخت تېرېدو سره بدلون راغلی او د عادي وګړو په څېر به د ښاروالۍ په دفتر کې کار کوي.

د پاکستان پوځ وايي د مې نهمې پېښو "پلانوونکي" د قانون منګولو ته سپاري

د پوځ د عامه اړیکو دفتر د جون پر اوومه په راولپېنډۍ کې د پوځ د مشر جنرال سید عاصم منیر په مشرۍ د مهمو پوځي قوماندانانو تر غونډې (فارمېشن کمانډرز کنفرانس) وروسته په بیان کې د چا نوم نه دی یاد کړی خو ویلي یې دي چې چارواکو د پاکستان په بېلابېلو برخو کې د مې نهمې د پېښو "کلکه غندنه" وکړه.

طالبانو له پاکستانه غوښتي چې افغانان دې نه زنداني کوي

د طالبانو د حکومت چارواکو تر دې مخکې هم د افغانانو د نيولو پر موضوع له پاکستانيو چارواکو سره خبرې کړې دي خو د پاکستاني لوري پر ډاډ سربېره دا ستونزه لا هم نه ده هواره شوې.