د مشال تر رڼا لاندې خپرونه کې مو په خیبر پښتونخوا کې د نرښځیانو پر ستونزو بحث کړی دی. دا په داسې حال کې ده چې د اکتوبر پر ۲۱مه په مردان کې په یو برید کې دوه نرښځیان ووژل شول. د "منزل" په نوم یوه ناحکومتي اداره وايي چې روان کال په هغه صوبه کې په بریدونو کې ۱۰ نرښځیان وژل شوي دي. هغه اداره وايي چې په تېرو ۱۰ کلونو کې په خیبر پښتونخوا کې ۱۴۴ نرښځیان وژل شوي دي. د نرښځیانو د حقونو فعالان وايي چې په ټولنه کې ورسره توپیر پالل کېږي او حکومتي ژمنې هم نه عملي کېږي. د خیبر پښتونخوا حکومت په بیا بیا ویلي دي چې د نرښځیانو د خوندیتوب هڅو ته یې دوام ورکړی او د حقونو لپاره یې قانون جوړوي. په خپرونه کې مو د ناحکومتي سازمان "حوا لور"مشره خورشید بانو او د نرښځیانو د ټولنې مشر ارزو خان مېلمنې کړې دي. بشپړ بحث وګورئ.
د مشال تر رڼا لاندې
وبښئ، دلته ۲۹ اکتوبر هېڅ و نه موندل شول. تر دې پخواني مطالب وګورئ.
چار شنبه ۲۳ اکتوبر ۲۰۲۴
د دې اوونۍ "د مشال تر رڼا لاندې" بحث په بلوچستان کې د مزدورانو، په تېره بیا د سکرو په کانونو کې د کارکوونکو، وژنو ته ځانګړی شوی دی. وسلوالو د اکتوبر پر ۱۰مه شپې ناوخته د هغې صوبې په پښتون مېشته سيمه دوکۍ کې ۲۱ کانکيندونکي ووژل. په دوکۍ کې د هغې پېښې پر ضد احتجاج او کاربندیز وشو. دا په وروستیو کې د سکرو د کانونو مزدورانو د وژلو تر ټولو لویه پېښه بلل کېږي. خو څوک هغه مزدوران وژني؟ د دې او نورو پوښتنو د ځواب لپاره بشپړ بحث وګورئ
