ګوهر اعجاز د فبرورۍ پر نهمه په اسلام اباد کې خبري غونډې ته وویل چې د فبرورۍ پر اتمه د انتخاباتو پر ورځ د ګرځنده ټېلېفون شبکې او انټرنېټ بندول اسانه پرېکړه نه وه خو د بلوچستان په پښتون مېشتو سیمو پښین او کلا سیف الله کې په بمي چاودنو کې یې د ۲۸ کسانو تر وژل کېدو وروسته دا کار وکړ.
په کراچۍ کې د پاکستان انصاف غړو او پلویانو د فبرورۍ اتمې انتخاباتو د غیر حتمي پایلو په اعلان کې د ځنډ پرضد د انتخاباتي کمېشن صوبايي دفتر مخې ته مظاهره کړې ده. کمېشن لا د تحریک انصاف د مظاهرې په اړه څه نه دي ویلي. ویډيويي رپورټ.
په پاکستان کې د فبرورۍ اتمې عامو انتخاباتو کې د رايې کارونې بهير د مازيګر پر پينځه بجې پای ته رسېدلی دی او د رايې شمېرلو عمل پيل شوی دی. د فبرورۍ پر اتمه په هغه هېواد کې د رايې کارونې بهير سهار اته بجې پيل شوی وو. ويډيويي رپورټ.
د پاکستان په کراچۍ ښار کې د فبرورۍ پر اتمه خلک د رايې ورکونې مرکزونو کې خپلې رايې کاروي. په هغه ښار کې د قامي اسمبلۍ پر ۲۲ او صوبايي اسمبلۍ پر ۴۷ څوکيو نوماندان ولاړ دي.
په مردان کې د فبرورۍ پر اتمه خلک د رایې ورکونې مرکزونو ته روان دي. سهار مهال په پولېنګ سټېشنونو کې د خلکو ګڼه ګوڼه کمه وه خو وروسته زیاته شوه. په هغه ښار کې د سړیو ترڅنګ ښځې هم رایې اچونې ته روانې دي. ویډیويي رپورټ.
په پاکستان کې د فبرورۍ پر اتمه د قامي او صوبايي اسمبلیو څوکیو ډکولو لپاره انتخابات کېږي. پر دې پاڼه د ټاکنو بهیر په اړه شېبه په شېبه معلومات خپرېږي.
نور وښیئ
