پاکستان

په سیند کې د خالد خان بېټني خوشې کولو لپاره احتجاجونه شوي دي

 په همدې حال کې د جولای پر ۲۲مه د سیند صوبې په دویم لوی ښار حیدراباد کې د پښتونخوا ملي عوامي ګوند مخکښه مشرانو، غړو او پلویانو د بېټني د خوشې کېدو لپاره احتجاج وکړ.

پاکستان کې د تېلو کاروباریانو سبا ته کاربندیز اعلان کړی

د تېلو کاروباریانو د ټولنې مشرانو پرون (د جولای پر ۲۰مه)  په کراچۍ او پېښور کې خبري غونډو ته وویل چې حکومت ورته د یو لیټر تېلو پر سر شپږ روپۍ ګټه ورکوي چې له دې کبله له زیان سره مخامخ دي. دوی داراز وویل چې له ایرانه د تېلو قاچاق یې هم کاروبار خراب کړی دی نو ځکه سبا سهار ټول پمپونه تړي.

په کشمور کې د خالد خان بېټني خوشې کولو لپاره احتجاجي پرلت روان دی

خالد خان بېټنی د خیبر پښتونخوا د ټانک سیمې دی. هغه د سیند صوبې په کشمور کې د ګیس په يوه کمپنۍ کې مزدوري کوله چې وسلوالو وتښتاوه. وروسته یې د هغه يوه ويډيو خپره کړه چې نوموړی یې پکې ځوړند کړی او وايي که پیسې ور نه کړي نو و به یې وژني.

پاکستان د اسیا جام کرکټ سیالیو مهالوېش اعلان کړ

د پاکستان کرکټ بورډ چارواکو او یوشمېر لوبغاړو د جولای پر ۱۹مه په لاهور کې د یوې غونډې پر مهال د اسیايي لوبډلو ترمینځ د کرکټ یو ورځنیو سیالیو د ۱۶م پړاو په اړه معلومات ورکړل او د اتلولۍ جام یې وښود.

د پاکستان یوشمېر ګوندونه د سږنۍ سرشمېرنې پر اساس د انتخاباتو غوښتنه کوي

د پاکستان د قانون له مخې، کله چې مردم شماري وشي نو هغه رېکارډ بیا حکومت د رسمي منظورۍ لپاره د ګډو ګټو شورا غوندې ته وړاندې کوي او تر منظورۍ وروسته یې د ټاکنو کمېشن پر اساس نوي ووټر لېسټونه او حلقه بندۍ کوي.

اسلام اباد او راولپېنډۍ کې د باران پر مهال د دېوالونو پرېوتو پېښو کې ۱۳ تنه وژل شوي دي

د اسلام اباد پولیسو په بیان کې ویلي دي چې د شورو (چارشنبې) پر سهار د سخت باران له کبله له ګولړه موړ سره نېږدې شاوخوا ۳۰ میټره اوږد او درې نیم میټره لوړ دېوال ونړېد او هلته کارکوونکي مزدوران یې لاندې کړل. د بیان له مخې، په پېښه کې ۱۲ مزدوران ووژل شول.

د سیند حکومت د پي ټي اېم د کراچۍ مشر په ګډون د غورځنګ ۱۱ غړي زندان ته استولي

د سيند حکومت د اطلاعاتو وزير شرجيل انعام مېمن د جولای پر ۱۸مه مشال راډيو ته وویل چې هر څوک چې د قانون پرضد کار کوي یا د حالاتو خرابولو هڅه کوي، نو پرضد به یې قانوني اقدام کوي.

د کراچۍ پښتنو ټرانسپورټرانو د بلاول بوټو کور مخې ته احتجاج کړی

دوی غوښتنه کوله چې حکومت دې د خالد خان بېټني په نوم يو کس د غلو له منګولو خوشی کړي. نوموړی د ټانک دی او د سېکوريټي ګارډ نوکري يې کوله. هغه د جون پر ۲۴مه د سيند له کشمور سیمې څخه غلو تښتولی.

د پاکستان پوځ: په ګاونډي هېواد کې د ټي ټي پي خوندي ځايونه او جديدې وسلې د ناامنۍ وجې دي

د پاکستان او ایران پوځي مشران د "ترهګرۍ پرضد پر ګډو اقداماتو" کولو سلا شوي دي

د پوځ د عامه اړیکو دفتر (ای اېس پي ار) د جولای پر ۱۶مه په بیان کې ویلي دي چې د پوځ مشر جنرال سید عاصم منیر تهران ته د خپل دوه ورځني سفر پر مهال له خپل ایراني سیال برید جنرال محمد باقري سره ولیدل.

په سیند کې وسلوالو د هندوانو پر کلي برید کړی دی

د کشمور د کندکوټ د پولیسو مشر عرفان علي سمو د جولای پر ۱۶مه مشال راډيو ته د هندوانو پر کلي حمله تایید کړه، البته وايي چې پلټنې کوي چې برید چا کړی دی.