د پوځ د عامه اړیکو دفتر (ای اېس پي ار) د جولای پر ۱۶مه په بیان کې ویلي دي چې د پوځ مشر جنرال سید عاصم منیر تهران ته د خپل دوه ورځني سفر پر مهال له خپل ایراني سیال برید جنرال محمد باقري سره ولیدل.
د کشمور د کندکوټ د پولیسو مشر عرفان علي سمو د جولای پر ۱۶مه مشال راډيو ته د هندوانو پر کلي حمله تایید کړه، البته وايي چې پلټنې کوي چې برید چا کړی دی.
د پاکستان د اردو ژبې جیو نیوز ټېلېوېژن او د انګرېزۍ ژبې ډان ورځپاڼې ویلي دي چې پېښه د جولای پر ۱۶مه د دیامیر په تلیچي سیمه کې شوې ده.
د مالیې وزیر اسحاق ډار د جولای پر ۱۵مه پر خپله رسمي ټوېټرپاڼه لیکلي چې د روانې میاشتې تر پای پورې د یو لیټر پېټرولو بیه نهه او د ډیزلو هغه اووه روپۍ کموي.
په کراچۍ کې د غورځنګ يو مخکښ محمد الله مسيد د جولای پر ۱۵مه مشال راډيو ته وويل چې ترین او ملګري یې د شنبې (خالي) پر ورځ د ګلزار هجري تاڼې پولیسو پر یوې مسلې د خبرو یا معلوماتو لپاره ورغوښتي ول او همهلته یې نيولي دي.
د پاکستان سرکاري راډیو خبر ورکړی چې شهباز شریف د جولای پر ۱۴مه د پیسو نړیوال صندوق له مشرې کرسټالینا جورجیوا سره په ټیلیفوني خبرو کې ویلي چې هېواد یې هغه تړون ته اهمیت ورکوي.
په سیند کې د هندوانو د ټولنې یو مشر ویجې کمار د جولای پر ۱۴مه مشال راډیو ته وویل، داسې ګواښونه ورته کېږي چې که هغه سیندۍ مېرمن واپس نه کړل شوه نو دلته په پاکستان کې به د هندوانو کورنۍ او عبادت ځایونه په نخښه کړل شي.
په پاکستان کې د قانون له مخې منتخب حکومت خپله پینځه کلنه موده تر پوره کولو وروسته واک نګران حکومت ته سپاري چې هغه بیا د ټاکنو له کمېشن سره په ګډه په ۹۰ ورځو کې انتخابات کوي او چارې نویو واکدارانو ته سپاري.
بیان زیاتوي چې تر فیصلې وروسته به هغه نړیواله اداره په سمدستي توګه پاکستان ته ۱.۲ اربه ډالر ورکړي او پاتې پیسې به د تړون له مودې سره سم ورکول کېږي چې دوه ځله به د درو، درو میاشتو له بیا کتنې سره مشروطې وي.
په بیان کې راغلي دي چې شړکنده بارانونه ښايي په پېښور، اسلام اباد، راولپېنډۍ، ګوجراوالې او لاهور کې د سېلاب او د خیبر پښتونخوا په غرییزو برخو، مري، ګلیاتو، ګلګت بلتستان او د پاکستان تر واک لاندې کشمیر کې د کمرونو نړېدو او ځمکې ښویېدو لامل شي.
د کنفرانس پرانیسته د پاکستان ولسمشر ډاکتر عارف علوي د جولای پر ۱۱مه وکړه. په غونډه کې د جنوبي کوریا، ملاېشیا (مالېزیا)، چین، تایلینډ، میانمار، وېتنام او سري لنکا په ګډون د نړۍ له بېلابېلو برخو د بودايي دین مشران او پلویان ګډون کوي.
نور وښیئ
