پاکستان

د پاکستان مشر قاضي د سیند په زندانونو کې د اصلاحاتو لپاره کمېټي جوړه کړې

جسټس يحيا اپرېدي دا اقدام تر هغې وروسته کړی دی چې د سیند د زندانونو د پولیسو مشر حسن سېتو سپریم کورټ ته په وړاندې کړي رپورټ کې وویل چې د هغې صوبې په بندیخانو کې د قیدیانو شمېر تر بېساري کچ لوړ شوی دی.

د اسلام اباد یو عدالت عمران خان او د هغه ښځه د توشه خانې قضیه کې رسماً تورن کړي دي

د توشه خانې د دويمې قضیې پلټني په پیل کې د پاکستان د احتساب ادارې (نېب) کړې وي خو د هغې ادارې په قانون کې د پارلېمان تر بدلون وروسته قضیه د پلټنو فيدرالي ادارې (اېف ای اې) ته سپارل شوې وه.

اسلام اباد وايي له سوریې څخه ۴۷۵ پاکستانیان خوندي لبنان ته رسېدلي دي

د وزارت ویاندې ممتاز زهرا بلوڅې د ډېسېمبر پر ۱۲مه په اسلام اباد کې اونیزې خبري غونډې ته وویل چې په شام کې یې سفارت له ټولو پاکستانیانو سره "د مرستې لپاره فعال رول" لوبوي او خوندي یې له هغه هېواده د ایستلو هڅې کوي.

حکومت وايي پر پوځ یې د نیوکو پر سر د یوشمېر بهر مېشتو پاکستانیانو شناختي کارډونه بند کړي دي

د بشري حقونو کمېشن: پاکستان کې د بشري حقونو وضعیت ورځ تر بلې خرابېږي

بټ د ډېسېمبر پر ۱۰مه د بشري حقونو نړیوالې ورځې په مناسبت په کراچۍ کې د خبري غونډې پر مهال د کمېشن راپور وړاندې کړ او و یې ویل چې په پاکستان کې د بشري حقونو وضعیت ورځ تر بلې خرابېږي. "که حکومت دی او که مخالف ګوندونه – ټول په ګډه د بشري حقونو سرغړونې کوي.

په پېښور کې د امریکا قونسلګرۍ ۴۰ نجونو ته د ځان ساتنې روزنه ورکړې ده

د پاکستان پوځ جنرال فيض حميد په رسمي توګه تورن کړی دی

په بیان کې راغلي دي چې د فيض حميد پرضد تورونو کې په سیاسي چارو کې لاسوهنه، د راز ساتلو له قوانینو په سرغړونې سره د ریاست خوندیتوب او ګټو ته زیان رسول، د واک او سرکاري وسایلو ناسمه کارونه او خلکو ته ناجایزه زیان رسول شامل دي.

د ورکو بلوڅانو سازمان وایي، د ۴ زده کوونکو په ګډون ۵ نور بلوڅان لادرکه شوي دي

مېرمن بلوڅې وویل، ګمشاد غني، دودا الاهي، معراج ګمشاد، او مزمل بلوڅ، چې د کراچۍ پوهنتون زده کوونکي دي، د ډېسېمبر پر اتمه له خپلو کورونو په زوره تری تم کړل شوي دي. هغې وویل دوه کاله وړاندې هم ګمشاد، دودا او معراج لادرکه کړل شوي ول چې تر پراخو احتجاجونو وروسته خوشې شول.

پاکستان یو ځل بیا پخوانی سفیر محمد صادق د افغانستان لپاره ځانګړی استازی ټاکلی دی

علي‌ امين ګنډه پور: د اسلام اباد پولیس دې د پښتنو نيول او ځورول ودروي

ګنډه پور په خپل ليک کې ويلي چې د پښتنو پرضد د اسلام اباد پوليسو روانې کاروایۍ په ټولنه کې د "بېلتون او تقسيم خطر" زېږوي او د وفاق "يووالي" ته زيان رسوي. په همدې حال کې د پاکستان د بشري حقونو کمېشن هم په اسلام اباد د "عامو پښتنو" پر نيول کېدو "ژوره اندېښنه" څرګنده کړې ده.

ایمان مزاري: اسلام اباد پولیسو تر ۳۰۰ زیات پښتانه نیولي دي

هغې د ډېسېمبر پر درېيمه مشال راډيو سره په خبرو کې دعوه وکړه چې په ۳۴۷ نيول شويو کسانو کې ګڼ افغانان هم دي. نوموړې پر پولیسو تور پورې کړ چې هغوی يوازې پښتانه او افغانان نيسي چې ډېری یې له کورونو ګرفتار شوي دي.