که څه هم معلومه نهده چې د متقي د سفر اېجنډا به څه وي، خو رویټرز لیکلي چې د سفر ټول لګښت پاکستان پر غاړه اخیستی دی. په تېره اپرېل میاشت کې ځینو پاکستاني رسنیو هم هغه هېواد ته د امیر خان متقي د ممکنه سفر خبرونه خپاره کړي ول.
دکراچۍ مرکزي او ملير زندانونو څخه پرون داپريل په ۲۹مه نور۵۶ افغان ګډوال خوشي کړل شوي او بيرته خپل هېواد افغانستان ته دچمن د لاري په بسونو کې لېږل شوي دي
ټاکل شوې ده د مې پر لومړۍ او دویمه نېټه د قطر په پلازمېنه دوحه کې د ملګرو ملتونو د مشر انتونیو ګوتېرېش په کوربه توب غونډه وشي. په غونډه کې د افغانستان لپاره د ګڼو هېوادونو ځانګړي استازي ګډون کوي.
د ګڼو سرچینو ترمخه، د داعش قوماندان د روانې میاشتې په لومړیو کې د افغانستان په جنوبي برخو کې د طالبانو او داعش وسله والې ډلې تر منځ په نښتو کې ووژل شو. واضحه نه ده چې د طالبانو او داعش ترمينځ دا نښته په کوم ځای او کوم وخت شوې ده.
د کرزي پر رسمي ټويټر پاڼه ليکل شوي چې په پرونۍ (د اپرېل پر ۲۴مه) لیدنې کې دواړو په کورنیو او نړیوالو موسسو کې کارونو ته د افغان ښځو د بیا ستنېدو او د تعلیمي مراکزو د بیا پرانیستلو پر اهمیت ټينګار وکړ.
فایق دا څرګندونې په داسې وخت کې کړې چې د ملګرو ملتونو د سرمنشي مرستیالې امينې محمد د اپرېل پر ۱۸مه د امریکا په پرېنسټن پوهنتون کې وویل چې په هغه نړیواله غونډه کې د طالبانو د رسمیت پېژندنې په اړه هم بحثونه کېږي.
په جېنیوا کې د افغانستان دایمي استازولي ویلي ول چې امینه محمد او د ملګرو ملتونو نور لوړپوړي چارواکي باید د سازمان د هغه منشور او ارزښتونو مسوولانه ساتنه وکړي چې په تېرو ۷۵ کلونو کې جوړ شوي، پراختیا یې موندلې او د یو سند په توګه د تطبیق وړ دي.
د هغه سازمان مرستیالې امینې محمد د اپرېل پر ۱۸مه، د امریکا په یوه څېړنیز مرکز کې د خبرو پر مهال وویل چې په هغه ناسته کې به د ملګرو ملتونو د مشر انتونیو ګوتېرېش په ګډون د نړۍ د بېلابېلو هېوادونو استازي ګډون وکړي.
د پاکستان د بهرنيو چارو وزارت د اپرېل پر ۱۵مه په يوه خبرپاڼه کې ويلي چې د بهرنيو چارو وزير بلاول بوټو زرداري د بهرنيو چارو لپاره د طالبانو له سربرست وزير امير خان متقي سره پر ټليفون خبرې کړې دي.
نور وښیئ
هېڅ میډیايي سرچینه اوس نشته
