د کابل د نړیوال هوايي ډګر له ایبې دروازې سره نېږدې تر خونړي ځانمرګي برید درې کاله وروسته لا هم په افغانستان کې د اسلامي دولت (داعش) ډلې د ګواښونو په اړه اندېښنې شته. د ۲۰۲۱ز کال د اګست پر ۲۶مه په هغه برید کې شاوخوا ۱۷۰ افغانان او ۱۳ امریکايي سرتېري وژل شوي ول. نور معلومات په ځانګړي رپورټ کې.
پاکستان د سیمې له هغو هېوادونو یو دی چې پکې په تېرو کلونو کې پرلیکه (انلاین) کاروبار وده کړې. خو انلاین کاروباریان وايي چې د انټرنېټ ورو کېدو ورته ډېر زیان رسولی دی او کاروباري چارې یې تر ۸۰ سلنه پورې اغېزمنې شوې دي.
داعش پر طالبانو تور پورې کوي چې د "جهاد" لاره یې پرېښې ده او د مرستې او په هېواد کې د پانګونې لپاره یې د هغو بهرنیو هېوادونو مخې ته سر ټیټ کړی دی چې په یو وخت کې یې پرضد جنګېدل.
د پېښور پولیس وايي چې سږ کال د اګست تر میاشتې پورې په هغه ښار کې پر ماشومانو د تشدد او د هغوی پر ضد جرمونه زیات شوي دي.
د هنګري پر وروستي اقدام نیوکه دا ده چې له دې سره په شېنګن سیمه کې امنیت خرابېدای شي او د روسیې د جاسوسۍ احتمال ډېرېدای شي ځکه چې کارډ لرونکي په نظري او عملي ډول کولای شي چې په اروپايي هېوادونو کې ازاد تګ راتګ وکړي.
د پېښور اوسېدونکي وايي چې ګرمۍ، برېښنايي پارچاو یا لوډشیډنګ او د بجلۍ لوړو بېلونو زښت په تکلیف کړي دي. د اګست پر اوومه د ښار په مسکین اباد کې ښځو او سړیو د اوبو او برېښناي ادارې (واپډا) دفتر مخکې ته د لوډشیډنګ او لوړو بېلونو پرضد احتجاج وکړ.
په تېرو کلونو کې د پاکستان او افغانستان ترمینځ پولې څو ځلې د سوداګرۍ پر مخ تړل شوې دي او محدویتونه ورباندې زیات شوي دي. د دې له وجې د دواړو خواوو ترمینځ سوداګري خورا اغېزمنه شوې ده.
۶۲ کلن هنیه د جولای پر ۳۱مه سهار وختي په تهران کې په یو برید کې ووژل شو. ایران د هغه د وژنې پړه په اسراییلو اچوي خو اسراییلو لا په دې اړه رسماً څه نه دي ویلي. د نوموړي د جنازې لمونځ د اګست پر لومړۍ نېټه د ایران ستر مذهبي مشر ایت الله علي خامنه يي په امامت کې وشو.
د پاکستان حکومت د روان ۲۰۲۴ز کال له فرورۍ راهېسي پر اېکس، چې پخوا ټويټر نومېده، محدودیتونه لګولي دي. دا له هغې وروسته ده چې د عامو انتخاباتو وروسته په ټولينزو رسنيو په انتخاباتو کې په مبیینه درغليوو او پوځي پالیسيوو نيوکې زیاتې شوې.
د بلوچستان پخوانی اعلاوزیر ډاکتر مالک بلوڅ وايي که بلوڅانو ته د سوله ییز احتجاج حق ورکړل شوای وای نو نه به د ریاست (دولت) نقصان کېده او نه د ولس.
په خیبر کې د بشري حقونو فعالان وايي چې په وروستیو کې له هغې ضلعې څخه په ناقانونه ډول بهرنیو هېوادونو ته د ځوانانو تګ زیات شوی دی. دوی وايي چې اکثر ناراجسټره سفري شرکتونه ځوانان نورو هېوادونو ته لېږدوي چې له وجې یې هغوی بیا په بهرنیو هېوادونو کې پټ اوسېدو ته اړ شي. نور په دې رپورټ کې.
نور وښیئ
هېڅ میډیايي سرچینه اوس نشته
