پاکستان

پاکستان ناقانونه کډوالو ته د نومبر تر لومړۍ نېټې د وتلو امر کړی دی

د پاکستان د کورنيو چارو وزير سرفراز بګټي د اکتوبر پر درېيمه په اسلام اباد کې يوې خبري غونډې ته د وينا پر مهال وويل چې د نومبر تر لومړۍ ڼېټې وروسته به قانون پلي کوونکي ادارې ناقانونه کډوال په زوره باسي او جايدادونه او کاروبارونه به يې ضبطوي.

پاکستان کې د افغان کډوالو شورا وايي اسلام اباد کې د افغانانو نیول زیات شوي دي

د افغان کډوالو د شورا مشر میر احمد رووفي د اکتوبر پر درېيمه مشال راډيو ته وويل چې  دوه ورځې مخکې  د اسلام اباد پولیسو له هغه ښاره ۸۰۰ افغان کډوال نيولي ول. د هغه په وينا وروسته یې ۴۰۰ هغه افغانان خوشې کړل چې د اوسېدو قانوني اسناد يې درلودل.

پښتنو ملتپالو ګوندونو د نویو انتخاباتي حلقه بندیو پرضد غږ پورته کړی دی

یادو ملتپالو ګوندونو ويلي چې له پښتنو سره زیاتی روان دی ځکه چې کله حلقې کمې شي نو په پارلېمان کې به د پښتنو سيمو چوکۍ هم کمېږي

ملګرو ملتونو پاکستان د بشري حقونو فعالانو لپاره د خطرناکو هېوادونو په لیست کې اچولی

د ملګرو ملتونو په راپور کې ويل شوي دي چې دی هېوادونو کې ۲۲۰ کسان او ۲۵ سازمانونه د اقوام متحده سره د بشري حقونو په خوندي کولو کې د مرستې کولو په وجه د خطر سره مخ دي. دا راپور د ملګرو ملتونو د بشري حقونو کونسل په غونډه کې وړاندې شو. غونډه به تر ۶ اکتوبر پورې په جينيوا کي دوام لري.

پولیسو په اسلام اباد او راولپېنډۍ کې لسګونه افغانان نیولي دي

د اسلام اباد يو پوليس افسر، چې له رسنیو سره یې د خبرو اجازه نه لرله، د نوم نه ښوولو په شرط مشال راډيو ته وويل، ګرفتارۍ به روانې وي. هغه افسر زیاته کړه چې د نیول شویو له ډلې څخه یې ځینې ویزې نه لري، د ځينو ویزې ختمې شوې دي او تمدید کړې یې نه دي او د ځينو نورو "اسناد مشکوک" دي.

څېړنیز رپورټ: روان کال په ناامنیو کې د پاکستانیو سرتېرو مرګژوبله په بېساري ډول لوړه شوې ده

د پاکستان انتخاباتي کمېشن وايي رایه ورکوونکي د اکتوبر تر ۲۵مې خپل معلومات تازه کولی شي

د پاکستان د انتخاباتو کمېشن په دې لړ کې د سېپټېمبر پر ۲۹مه یوه خبرپاڼه هم خپره کړې وه او ويلي يې وو چې د رايو ورکوونکو د تفصيلاتو د تازه کولو لپاره يې مرکزونه هم جوړ کړي دي.

یوشمېر سازمانونو د پاکستان له حکومته د انتخاباتو درشل کې د بیان ازادۍ خوندیتوب غوښتنه کړې

په بیان کې ويل شوي چې د پاکستان ايين رسنيو ته ازادي ورکوي خو ځينې زورواکي ورڅخه دا خپلواکي تروړي چې دا مسله د انتخاباتو په وخت لا ډېر ارزښت پيدا کوي.

چارواکي: منځني ختیځ کې زیاتره ګرفتار سوالګر او جېب وهونکي پاکستانیان دي

د بهرمېشته پاکستانيو وګړو د وزارت چارواکو د سېپټېمبر پر ۲۷مه، د سېنېټ قايمه کمېټۍ ته په وړاندې کړې راپور کې ويلي چې د سعودي عرب او عراق سفیرانو ورته شکایت کړی چې د هغو هېوادونو "زندانونه له پاکستانیانو ډک" دي.

د پنجاب حکومت د سترګو ناروغۍ مخنیوي لپاره ښوونځي تړلي دي

د پاکستان د انګرېزۍ ژبې ډان ورځپاڼې ليکلي چې په روانه اوونۍ کې حکومتي روغتونونو ته د ورځې له ۵۰۰ څخه تر ۶۰۰ پورې ناروغان ورغلي دي چې زیاتره يې په لاهور ښار کې دي.

د پاکستان انتخاباتي کمېشن د نویو حلقو ابتدايي نوملړ خپور کړی دی

له لومړني رپورټ سره سم، په قامي اسمبلۍ کې به د خیبر پښتونخوا ۴۵، د بلوچستان ۱۶، د سیند ۶۱، د پنجاب ۱۴۱ او د وفاقي پلازمېنې اسلام اباد ۳ عمومي څوکۍ وي.