دراني د مارچ پر ۱۶مه په اسلام اباد کې د پاکستان د سولې د مطالعاتو مرکز په کوربه توب د "افغانستان سوله او پخلاینه: د پاکستان ګټې او د تګلارې واک" په نوم د بحث په ۱۲مه ناسته کې بې له ثبوت ورکولو دعوه وکړه چې که د هغو وسلوالو د کورنۍ غړي ورشامل شي نو ټول شمېر "۷۰،۰۰۰ ته لوړېږي."
په لوبډله کې نوي ځوانان اعجاز احمدزی، اسحاق رحيمي، صدیق اتل، ننګیالی خروټی او وفادار مومند شامل شوي دي. له هغوی پرته، محمد نبي، رحمان الله ګربز، ابراهيم ځدراڼ، نور احمد لکڼوال، فضل حق فاروقي، عظمت الله عمرزی، فرید ملک، مجیب الرحمان او نوین الحق هم د لوبډلې برخه دي.
د طالبانو د حکومت پېښو ته د رسېدو چارو د دولت وزارت ویاند جانان سایق د مارچ پر ۱۳مه رسنيو ته په لېږدولي يو ويډيويي پيغام کې وويل چې د فبرورۍ له ۲۰مې راهیسې سختو ورښتونو په افغانستان کې ۱،۶۴۵ کورونه ویجاړ کړي او ۱۸۰،۰۰۰ څاروي یې وژلي دي.
طبیعي پېښو ته د رسېدنې په چارو کې د طالبانو د حکومت د دولت وزارت ویاند ملا جانان سایق د مارچ پر دویمه په بیان کې وویل چې په تېرو ۱۲ ورځو کې د ورښتونو پر مهال د سختې یخنۍ، سېلابونو او کورونو ړنګېدو پېښو هغه مرګژوبله اړولې ده.
ملګرو ملتونو د عمومي منشي ویاند سټېفان دوجارېک يوې خبري غونډه ته وویل چې اعدام یوه "ناوړه کړنه" ده او هغوی به یې "تل پر ضد ولاړ" وي. د طالبانو د حکومت سترې محکمې (عدالت) په یوه اعلامیه کې لیکلي چې په اعدام رسول شوي کس باندې په ابتداييه، متوسطه او ستره محکمه کې د قتل جرم ثابت شوی وو.
په اعلامیه کې د امنیت شورا ۱۱ غړو هېوادونو یادونه کړې چې په افغانستان کې یوازې هغه وخت تلپاتي سوله ټینګېدای شي چې هغه هېواد یو ټول شموله سیاست مخ ته یوسي او د ښځو او نجونو په ګډون د ټولو افغانانو د بشري حقونو درناوی وکړي.
یاد مرکز د فبرورۍ پر ۲۴مه وویل چې د طالبانو ولایتي حکومت له راډیوګانو او ټېلېویزیونونو سره د نجونو پر اړیکه نیولو د بندیز تر څنګ د رسنیو مسوولینو ته خبرداری ورکړی دی چې که په خپرونو کې د نجونو ټېلېفونونه واخلي نو احضار او قانوني چلند به ورسره وکړي.
نور وښیئ
هېڅ میډیايي سرچینه اوس نشته
