په بدخشان کې د طالبانو د حکومت د اطلاعاتو او فرهنګ رییس معز الدین احمدي مشال راډیو ته وویل چې چاودنه په جومات کې شوې ده چې ښايي زیاته مرګژوبله ولري.
د صبریو لیونخېلو سیمه له خوست ښاره شاوخوا ۴۵ کیلوميټره لېرې ده او په تېرو دوه لسیزو کې سختو جګړو او ناامنیو ځپلې ده.
رویټرز اژانس د سرچینې په حواله وايي چې د قطري وزیراعظم او د طالبانو د مشر ترمینځ د خبرو یوه موضوع له نړیوالې ټولنې سره د طالبانو د ترینګلتیا ختمولو په اړه وه.
اروپايي ټولنې، ملګروملتونو، نړیوال بانک او د منځنۍ اسیا د هېوادونو استازو د مې پر ۲۶مه د ترکمنستان په مرکز عشق اباد د هغو هیوادونو او سازمانونو څلورمې غونډې په پایې کې له طالبانو غوښتنه وکړه چې د نجونو او ښځو پر زدهکړه او کار لګول شوي محدودیتونه لیرې کړي.
د افغانستان په څه باندې ۴۰ کلنه ناکرارۍ او جګړه کې سلګونه زره کسان د ځمکلاندې بمونو په چاودنو، هوايي بمباریو، ځانمرګو بریدونو او د تاوتریخوالي په نورو پېښو کې معذوره شوي دي.
د طالبانو د حکومت د ریس الورزا اقتصادي مرستیال ملا عبدالغني برادر او د اوبو او انرژۍ سرپرست وزیر عبدالطیف منصور د مې پر ۲۰ فراه ته تللي ول او هلته یې رغاونیزې چارې پرانیستې.
د طالبانو د ټرافیکو لوی ریاست دې کار لپاره درې میاشتې موده ټاکلې وه، خو په خوست کې د خواو شا یو نیم لکو موټرو څخه تر اوسه څه د پاسه لس زره کسانو خپل موټرونه ثبت او راجسټر کړي دي.
په راپور کې زیاته شوې چې اوسمهال په افغانستان کې د امريکا د دفاع ورازت او د امريکايي پوځ د استخباراتي معلوماتو راټولولو وړتيا محدوده ده. خو زیاته شوې چې امريکا د هوا له لارې د معلوماتو راټولول ازمويي.
د طالبانو د حکومت ویاند ذبیح الله مجاهد د مې پر ۱۶مه ناوخته مشال راډيو ته وويل چې ملا حسن اخوند د ناروغۍ له کبله ارام کول غوښت نو ځکه يې پر خپلې چوکۍ د لنډې مودې لپاره مولوي عبدالکبير معرفي کړ. دا خبره د سهشنبې شپې ناوخته ازادي راډیو ته وکړه.
سهيل شاهين د مې پر ۱۵مه نېټه مشال راډیو ته په استولي پیغام کې لیکلي، "قادرشاه چې هلته یې سفارت کې کار کاوه، د اوس لپاره شارزدافیر ټاکل شوی."
نور وښیئ
هېڅ میډیايي سرچینه اوس نشته
