پاکستان

پاکستان خپل ملي هوایي شرکت، پي ای اې خرڅوي خو یوازې يوې کمپنۍ یې اخیستو ته زړه ښه کړی

حکومت د "پي اې ای" ۶۰ سلنه برخې لپاره لږ تر لږه ۸۵ اربه روپۍ ټاکلې وې، خو په بولۍ کې یوازې د "بلو ورلډ سيټي" په نوم یوه شخصي کمپنۍ برخه واخیسته او ۱۰ اربه روپۍ بولي یې وړاندې کړه.

د ککړې هوا له وجې په لاهور کې لومړني ښوونځي يوه اونۍ رخصت شول

د بشري حقونو کمېشن: حکومت دې اسمبلۍ ته وړاندې کړی ترهګرۍ ضد بېل په قانون نه بدلوي

په لکي مروتو او ډېره اسماعیل خان کې ۲ نور ماشومان ګوزڼ وهلي دي

د پولیو مخنیوي پروګرام وايي، له دې سره روان کال په خیبر پښتونخوا کې په پولیو د اخته ماشومانو شمېر نهو ته لوړ شو. د دې سربېره سږ کال په بلوچستان کې د پولیو ۲۲، په سیند کې ۱۲ او په پنجاب او اسلام اباد کې یوه، یوه پېښه ثبت شوې ده.

پاکستان وايي له تحریک طالبان پاکستان سره په مذاکراتو کې "هېڅ دلچسپي" نه لري

ممتاز زهرا بلوڅې دا څرګندونې پر داسې مهال کړې دي چې په وروستیو کې په اسلام اباد کې د طالبانو سفیر سردار احمد شکېب د سیمه ییزو مطالعاتو په مرکز کې غونډې ته په وینا کې وړاندیز وکړ چې پاکستان دې له ټي ټي پي سره خبرې وکړي.

په خیبر پښتونخوا او بلوچستان کې ۲ نور ماشومان ګوزڼ وهلي دي

د پولیو مخنیوي پروګرام وايي چې روان کال په بلوچستان کې د پولیو ۲۲، په سیند کې ۱۲، په خیبر پښتونخوا کې اووه او په پنجاب او اسلام اباد کې یوه، یوه پېښه ثبت شوې ده.

پاکستان له روسيې د برېکس د غړيتوب لپاره د ملاتړ غوښتنه کړې

تر ملاقات وروسته پاکستان پیپلز ګوند پر خپله ووبپاڼه په خپور کړي بيان کې ويلي چې په هغه ملاقات کې د روسيې او پاکستان ترمینځ د تجارت، سوداګرۍ، پانګونې او کرنې په برخو کې د دواړو هېوادونو د اړيکو پر لا پیاوړې کولو ټينګار وشو.

د اسلام اباد پولیس وايي د بشري حقونو وکیله ایمان مزارۍ او د هغې مېړه یې نیولي دي

پولیسو د اکتوبر پر ۲۸مه پر اېکس (پخواني ټوېټر) په بیان کې تور پورې کړی دی چې هغوی یې پاکستان ته د "کرکټ یوې نړیوالې لوبډلې د سفر پر مهال د سرکار په کار کې د لاسوهنې په کولو د امنیتي ګواښ پیدا کولو" پر سر نیولي دي.

په پاکستان کې د ګوزڼ ۷ ورځنی واکسیني کیمپېن روان دی

دا کیمپېن پر داسې مهال کېږي چې په پاکستان کې سږ کال د ګوزڼ پېښې د ۲۰۲۳ز کال پرتله په بېساري ډول زیاتې شوې دي. په هغه هېواد کې د اکتوبر تر ۲۸مې پورې د پولیو ۴۱ پېښې ثبت شوې وې.

قاضي یحیا اپرېدي د پاکستان د نوي مشر قاضي په توګه د دندې لوړه کړې ده

قاضي یحیا اپرېدي تر لوړې وروسته د جرګګیو جوړولو لپاره د قاضیانو درې کسیزه کمېټي جوړه کړه. دولتي ټېلېوېژن وايي چې نوموړي قاضي منیب اختر یو ځل بیا په هغه کمېټۍ کې شامل کړی دی. له دې پرته په کمېټۍ کې درېیم قاضي سید منصور علي شاه دی. 

په پاکستان کې د پولیو ناروغانو شمېر ۴۱ ته ورسېد

هغې ادارې د اکتوبر پر ۲۳مه پر خپله ووبپاڼه په بیان کې وویل چې د روغتیا ملي ادارې (نیشنل هېلت انسټيټیوټ یا اېن ای اېچ) د کواټ د یو ماشوم د وینې په نمونو کې پولیو وایرس تایید کړی دی چې ورسره سږ کال په هغه ضلع کې د ګوزڼ د پېښو شمېر دوه او په پاکستان کې یې ټولیز شمېر ۴۰ ته رسېدلی دی.