د عوامي نیشنل ګوند، پښتونخوا نیشنل عوامي ګوند او پښتون ژغورنې غورځنګ مظاهره چيانو د جون پر اوومه د مظاهرې په مهال له حکومته وغوښتل چې د پرلت نيول شوي غړي زرترزره خوشې کړي او د پرلتوالو غوښتنې ومني.
د پرلتوالو په خبره، د پرلت کمېټۍ دغه مشران د جون پر څلورمه ماخوستن مهال د چمن ډېپټي کمېشنر راجه اطهر عباس خپل دفتر ته د خبرو لپاره ورغوښتي ول چې وروسته یې ونیول او نامعلوم ځای ته يې يووړل.
پرلتوالو د خپلو غوښتنو په حق کې شاوخوا يوه میاشت وړاندې د کوږک د ګړنګ په غره کې د هرډول ګاډو پر مخ لاره تړلې وه.
په بلوچستان کې د کانونو مشر څارونکي عبدالغني شاهواني رسنيو ته ويلي چې پېښه د جون پر دریمه د کوټې په ليرې پرته سيمه سنجيدي کې رامينځ ته شوې ده.
د پېښې ضد کانکیندونکو د جون پر درېیمه په دوکۍ له ناصر اباده لاریون پیل کړ او د مرستیال کمېشنر د دفتر مخې ته یې په پرلت بدل کړ. پرلتوالو غوښتنه کوله چې په پېښه کې تورن کسان دې ونیول شي.
د جرګې ګډونوالو وویل چې په کستووي او سمبازه کې دې پوځي عملیات ودرول شي او له دانه سر څخه دې د سرحدي عسکرو چیک پوسټونه ليرې کړل شي او عادي خلکو او سوداګرو ته دې په ازاده توګه د تګ راتګ اجازه ورکړل شي.
د واشک مرستيال کمېشنر نعيم عمراني مشال رېډيو ته ويلي چې دا پېښه د مې ۲۹مې شهار وختي شوې چې پکې ۲۷ کسان ژوبل شوي هم دي.
نور وښیئ
هېڅ میډیايي سرچینه اوس نشته
