مرکې، شننې، تبصرې

"په لوښو کې اوبه پټې ساتل د ډېنګي ماشي مخه نیسي"

د مردان یو وګړی سجاد، چې د ډېنګي تبه یې تېره کړې ده، وایي، "له پېښوره په لار يو ځای کې ماشي وچيچلم او بيا د شپې راته تېزه تبه راغله، سهار چې پاڅېدم نو د څرمنې رنګ مې بدل وو"

سکولونه یې ورانېږي خو نجونه تعلیم نه پرېږدي

"زموږ په سکولونو کې د بدامنۍ له کبله د ماشومانو پر تعلیمي هلو ځلو څه اثر نه دی پرېوتې او نه هم خلکو تعلیم ته شا کړې. له جینکو سره میندې پلرونه هم راځي، او غواړي چې لوڼې یې تعلیم حاصل کړي."

خوستوال مستري اټوماټیک ور جوړ کړی

د پاکستان او افغانستان ترمنځ امن لوبې

حیدرهوتي : صوبايي احتساب کمیشن بغیر له شواهدو سیاستوال ګرفتاروي

د خیبر پښتونخوا د احتساب کمیشن د عوامي نیشنل ګوند د پخوانۍ صوبايي وزیرې ستاره ایاز د نیولو امر کړیدی .

حیدرهوتي سره مرکه

په سروې خپرونه کې له انیته محسود سره مرکه

په سروې خپرونه کې له جنوبي وزیرستان سره تعلق لرونکې انیته محسود مېلمنه ده. انیته محسود د قبایلي سیمو د ځوانانو اتحادیې مشره ده او دا شان د فاټا سیاسي اتحاد کې هم د یوې مشرې په حیث کار کوي او د پاکستان تحریک انصاف ګوند غړې هم ده. انیته محسود وایي، که چیرې د فاټا ښځو ته په سیاست کې د سړو په شان پوره ونډه ورکړل شي نو د سیمې ډېرې مسلې هوارېدای شي. د دې خپرونې کوربنه انیسه اجمل ده.

په پېښور کې د محرم پر مهال پر افغان او قبایلي کډوالو بندیز ولګېدی

پېښور: د خېبر پښتونخوا حکومت د محرم پر مهال د ماتمي جلوسونو ځایونو ته د افغان ګډوالو او له قبایلي سیمو د بې کوره کړل شوو خلکو پر تګ راتګ بندیر لګولی دی.

په پېښور کې د محرم پر مهال پر افغان او قبایلي کډوالو بندیز ولګېدی

پېښور: د خېبر پښتونخوا حکومت د محرم پر مهال د ماتمي جلوسونو ځایونو ته د افغان ګډوالو او له قبایلي سیمو د بې کوره کړل شوو خلکو پر تګ راتګ بندیر لګولی دی. د خیبر پښتونخوا د حکومت چارواکي وايي چې دا ګامونه یې د محرم پر مهال د امنیت ساتلو په موخه اخیستي دي. د قبایلي سیمو د وکیلانو د اتحادیې مشر اعجاز مومند مشال راډیو ته وویل چې د قانون له مخې پر خلکو بندیز غیر ايیني دی او دوی د پاکستان اوسېدونکي دي او اختیار لري چې هر ځای ته تګ راتګ وکړي. خو د حکومت چارواکي وايي چې د قانون له ۱۴۴ مادې سره سم په داسې مخصوص حالاتو کې د ضلعې حکومت د ځېني مخصوصو ځایونو په اړه اختیار لري چې پر خلکو بندېز ولګوي. د پېښور د پولیسو مشر سجاد مشال راډیو ته وویل چې یوازې پر ګډوالو د تګ راتګ بندېر نه دی بلکې د جلوسونو شاوخوا ځایونو کې د ځايي خلکو پر غیرې ضروري تګ راتګ هم بندېر دی. د پېښور د پولیسو د مشر لخوا لګول شوي بندیز د۱۴۴ قانون تر مخه پر موټر سایکل او د تورو ښیښو پر موترو هم بندیز دی. په دې اړه نور تفصیل د شبیر احمد جان په رپوټ کې واورئ

په دې اړه نور تفصیل د سراج ظهیر په رپوټ کې واورئ

له کلاسیف الله د تښتول شوو کسانو ویډیو خپره شوه

ډېره اسماعیل خان: د بلوچستان له پښتون مېشتې سیمې کلا سيف الله څخه د تښتول شوو شپږ حکومتي کارکوونکو ويډيو خپره شوې ده. دا ویډیو په جنوبي وزيرستان کې د تحريک طالبان مسود ډلې خپره کړېده په کوم کې چې تښتول شوو کسانو له پاکستاني حکومته غوښتنه کړې ده چې د دوی د خلاصون لپاره دي هلې ځلې وکړي. وسله وال طالبان وايي چې دا حکومتي کارکونکي به د خپلو هغو څلور ملګرو په بدل کې خوشي کړي چې دا وخت په جيل کې دي. په ویډیو کې ښودل شوي کسان د روان کال د سپټمبر پر دیارلسمه نېټه له کلاسیف الله څخه تښتول شوي وو. په بلوچستان کې تر دې وړاندې هم د سړي تښتونې داسې یو شمېر نورې پېښې شوې دي چې وروسته یې تښتول شوي ځینې کسان وژل شوي خو زیاتره خوشي شوي دي. په خوشي شوو کسانو کې بیخي لږ دا مني چې دوی چېري ساتل شوي وو او څه ډول د پیسو په بدل کې خوشي شول. پاتې کسان له خوشي کېدو وروسته یا خو پر دې موضوع خبرې نه کوي او یا هم وايي چې دوی د جرګو مرکو په پایلو کې راخوشي شو. تر اوسه په بلوچستان کې د یو شمېر مهمو حکومتي چارواکو او مشهورو ډاکټرانو تر څنګ ډېر کسان تښتول شوي او بیرته خوشي شوي دي. په دې اړه تفصیل د سېلاب محسود په رپوټ کې واورئ