مرکې، شننې، تبصرې

له ترهګرۍ تر ټولو زیاته خېبر پښتونخوا ځپل شوې ده

د خېبر پښتونخوا د اسمبلۍ سپیکر اسد قیصر وايي ترهګرۍ د دوی صوبه تر ټولو زیاته ځپلې ده. نوموړي دا څرګندونې د دوشنبې پر ورځ په خپل دفتر کې له افغانستانه ورغلیو خبریالانو ته وکړې. اسد قیصر دا هم وویل چې پاکستان له افغانستان سره د اړیکو د ښو ساتلو لیواله دی او دوی له افغانستان سره خرابې اړیکې نشي زغملی. په دې موقع افغان خبریالانو وویل ځیني پاکستاني رسنۍ د افغانستان د پېښو ناسم راپورونه خپروي. دوی دا هم وویل چې افغان تلویزونو ته په پاکستان کې د خپرونو د ښودلو اجازه هم په اسانه نه ورکول کېږي.

د امن کمیټیانو غړي حکومتي پاملرنه غواړي

''له تېرو پنځلس کلونو راهیسې د امن په نوم کارکوونکي خلک ډېر په بېدردۍ سره ووژل شول، نه خوحکومت مخکې او نه یې اوس د دې کمیټیانو د غړو لپاره څه ګامونه پورته کړي دي''

ننګرهار: د سپین غر بازان ونازول شول

د ننګرهار والي سلیم خان کندوزي خوښي څرګنده کړه چې د سپين غر بازانو ټيم په یاده سیالۍ کې تر نورو سر ته راووت،

پېښور:د ګوزڼ څاڅکو مخالف دوو کونسلرانونیولو امر شوی

د پېښور چارواکو ماشومانو ته د ګوزڼ ضد څاڅکي نه ورکولو له وجې د دوو کونسلرانو د نیولو حکم ورکړی دی.

پېښور:د ګوزڼ څاڅکو مخالف دوو کونسلرانو نیولو امر شوی

د پېښور چارواکو ماشومانو ته د ګوزڼ ضد څاڅکي نه ورکولو له وجې د دوو کونسلرانو د نیولو حکم ورکړی دی. د پېښور اسسټنټ کمیشر ممتاز خان د شنبې پر ورځ مشال راډیو ته وویل چې د لړمې او اوډاک سیمو دوو منتخب شوي کونسلرانو سلیم او منهاج نه خو خپلو ماشومانو ته د ګوزڼ ضد څاڅکي ورکول بلکې نور خلک یې هم د څاڅکو له ورکولو منع کول، نو ځکه د هغوي د نیولو حکم ورکړل شوی دی. نوموړي ویلي دي چې که په راتلونکي کې څوک هم د ګوزڼ ضد څاڅکې ماشومانو ته ورنکړي نو هغوي به هم نیول کېږي. بلخوا چارواکو دا هم ویلي چې په پېښور کې به له راتلونکې لسمې نیټې د ګوزڼ ضد څلور ورځنې مهم پیلېږي. په دې اړه د شبیر احمد جان رپورټ دلته واورئ.

د رضا دوتاڼي مرکه دلته اورېدلای شئ

د شمالي وزیرستان رزمک کېډت کالج بیرته پرانستل شو

د شمالي وزيرستان رزمک کېډټ کالج چې په سيمه کې د ناامنيو له وجې بند شوی وو شپږ کاله وروسته بيا پرانستل شو.

د شمالي وزیرستان رزمک کېډت کالج بیرته پرانستل شو

د شمالي وزيرستان رزمک کېډټ کالج چې په سيمه کې د ناامنيو له وجې بند شوی وو شپږ کاله وروسته بيا پرانستل شو. چارواکو مشال راډيو ته ويلي دي چې په سختو امنیتي تدابېرو کې په ۲۴ ګاړو مشتمله د زده کوونکو قافله بېګا ماښام ناوخته رزمک ته رسېدلې ده. د رزمک اوسيدونکی ملک جليل خان مشال راديو ته وويل چې د ياد کېډټ کالج پر خلاصېدو د سيمې خلک ډېر خوشاله دي او زده کوونکو يې تود هرکلی کړی. د رزمک اوسيدونکو له حکومته غوښتي چې په رزمک کېډټ کالج کې د دوی کوټه ور زياته کړل شي. دغه کالج په دوه زره نهم کال کې د ناامنيو له وجې لومړی پېښور ته او وروسته بيا نوښار ته منتقل کړل شوی وو.

کراچۍ ښار يو وارې بيا ګرمۍ نیولې

''د پښتون وطن مارغان هم په ختمېدو دي''

د درغلۍ ضد مې عملي کار پيل کړی. ډاکټر کلیم الله