دوی د اګست پر اتمه، له مشال راډیو سره په خبرو کې په راتلونکو ورځو کې د پرلت بیا پیلولو ګواښ وکړ. د سوداګرو د ټولنې مشر او د پخواني پرلت ویاند صادق اڅکزی وايي چې چارواکو تر څو ورځو پورې خلکو ته په شناختي کارډ او تذکرو د تګ راتګ اجازه ورکړه خو اوس بیا پاسپورټ او ویزه غواړي.
نوموړې د اګست پر څلورمه په ګوادر کې د بلوڅانو د احتجاجي پرلت په ځای کې يوې خبري غونډې ته وويل، له حکومت سره روانې خبرې به هله نتيجه ورکوي چې دغه شرطونه یې ومنل شي.
د بلوچستان د کورنیو چارو وزیر ضیا لانګو وايي، حکومت چې له پرلتوالو سره کومه وعده کړې وه پر هغه ولاړ دی.
پوځ د جولایي پر ۲۹مه په يوه خبرپاڼه کې دعوه وکړه چې احتجاج کوونکو د ګوادر د امنيت ساتونکو سرتيرو پرضد له تشدده کار اخیستی، یو یې وژلی او ۱۶ یې ژوبل کړي دي. خو پوځ دا نه دي ويلي چې دغو پرلتوالو څنګه او په څه شي سرتيرو ته دغه مبینه مرګژوبله اړولې ده.
د کمېټۍ مشرې ډاکترې ماه رنګ بلوڅې د جولای پر ۲۷مه پر اېکس، چې پخوا ټوېټر نومېده، په غږيز پيغام کې ويلي دي چې حکومت د ګوادر د غونډې د "ناکامولو هڅې" کوي او د دې لپاره یې هلته تلونکې لارې تړلې دي.
بلوڅ یکجهتي کمېټۍ دې جلسې ته د " بلوچ راجي مچي " نوم ورکړی دی په کوم کې چې به د دوی په وینا د ټولو بلوڅ قبیلو خلک ګډون کوي.
نور وښیئ
هېڅ میډیايي سرچینه اوس نشته
